30 ildir meyvələrini ziyarətçilərə pulsuz paylayır: "Ən böyük qazanc insanların gülümsəməsidir"

Türkiyənin İsparta vilayətinin Sav qəsəbəsində yaşayan 85 yaşlı İbrahim Çakmakçı, düz 30 ildir bağçasında yetişdirdiyi meyvə və tərəvəzləri gələn ziyarətçilərə heç bir qarşılıq gözləmədən təqdim edir.

Sonxeber.az türk mediasına istinadən xəbər verir ki, 1995-ci ildə təqaüdə çıxdıqdan sonra "Xeyir Bağçası" adlandırdığı bu bağçanı salan Çakmakçı, o gündən bu yana buradan keçən hər kəsə bağında yetişən məhsulları pulsuz təqdim edir. Onun sözlərinə görə, məqsədi insanlarla paylaşmaq və onları sevindirməkdir.

"Ziyarətçilər ilin 8-9 ayı gəlsin deyə bağda müxtəlif məhsullar əkirəm. Əsasən yediveren növündən olan 3 min kök çiyələk yetişdirirəm. Gələn hər kəs özü dərib yeyə bilir. Biz də əlimizdən gəldikcə qonaq edirik", – deyə Çakmakçı bildirib.

Telegramda izləyin