Qarışqaların zərəri və onlarla mübarizə

Qarışqalar evdə, ofisdə, kafe, restoran və digər iaşə obyektlərində ən çox rast gəlinən zərərvericilərdəndir. Kiçik və zərərsiz görünsələr də, koloniyalar şəklində çoxaldıqları üçün qida gigiyenasına və əmlaka ciddi təsir göstərirlər. Buna görə də qarışqalarla mübarizə vaxtında və düzgün üsullarla aparılmalıdır.

Qarışqaların əsas zərərləri nələrdir?

Qarışqaların yaratdığı ən böyük təhlükələrdən biri qida çirklənməsidir. Onlar qida məhsullarına daxil olaraq mikrobları daşıyır, qida zəhərlənməsinə səbəb olur. Xüsusilə restoran, kafe və yemək hazırlanan obyektlər üçün bu, həm sağlamlıq, həm də nüfuz baxımından ciddi riskdir.
Bəzi qarışqa növləri mülkiyyətə də ziyan vurur. Ağacın içində tunellər açaraq mebellərə və taxta konstruksiyalara zərər verir. Elektrik qutularında yuva quran qarışqalar qısaqapanma yarada və avadanlıqları sıradan çıxara bilər.

Qarışqalarla mübarizə necə aparılmalıdır?

Ev şəraitində qarışqalarla mübarizə həm düzgün təmizlik, həm də sadə, effektiv üsulların tətbiqi ilə mümkündür. Bu üsulları nəzərdən keçirək:

1. Təmizlik və gigiyena. Qida qalıqlarını, çörək qırıntılarını və şirəni dərhal silin. Yeməkləri açıqda saxlamayın. Mətbəx səthlərini gündəlik silin. Zibil qutularının qapaqlı olmasına və tez-tez boşaldılmasına diqqət edin.

2. Gəldiyi yerləri bağlayın. Qarışqalar ən kiçik çat və yarıqlardan belə içəri daxil olur. Qapı altlıqlarını, pəncərə çərçivələrini, divar çatlarını bağlayın. Boru ətraflarını yoxlayın.

3. Təbii qoruyuculardan istifadə edin.

Qarışqalar müəyyən qoxuları sevmir. Bunlar ev şəraitində təhlükəsiz və effektivdir:

Sirkə qarışığı: 1 stəkan su ilə 1 stəkan sirkə qarışımını səthlərə sıxın.

Limon suyu: Qarışqaların gəzdiyi yerlərə limon suyu çiləyin.

Darçın, mixək, qara istiot, nanə: Qarışqa yollarına səpin və ya dəmləyib çiləyin.

Çay ağacı və nanə yağı: 10 damcı efir yağı ilə 1 stəkan suyu sprey kimi istifadə edin.

Bor turşusu və şəkər:

1 çay qaşığı bor turşusu və 3 çay qaşığı şəkərə bir az su əlavə edib pastaya çevirin. Kiçik kağızlara qoyub qarışqaların keçdiyi yerlərə yerləşdirin.
Diqqətli olun, bor turşusunu uşaqlardan və heyvanlardan uzaq tutun.

Peşəkar xidmət

Qarışqa problemi kütləvi və uzunmüddətlidirsə, ev üsulları bəzən kifayət etmir. Bu zaman peşəkar dezinseksiya xidməti problemi tez və uzunmüddətli həll edir. Görünən qarışqaların məhvi problemin yalnız kiçik hissəsidir. Əsas məsələ koloniyanın yuvasına çata bilməkdir. Bu isə yalnız peşəkar yanaşma və düzgün preparat seçimi ilə mümkündür.

Bunun üçün bizə müraciət edə bilərsiniz. Sanitariya.az qarışqa ilə mübarizə xidmətinə aşağıdakılar daxildir:

Yuvanın dəqiq müəyyənləşdirilməsi

Mütəxəssislərimiz qarışqaların giriş nöqtələrini və gizli yuvalarını xüsusi metodlarla analiz edirlər.

Sertifikatlı insektisidlərdən istifadə

Rusiya, Türkiyə və Avropa istehsalı olan, qarışqa koloniyasını məhv etməkdə yüksək təsir gücünə malik preparatlardan istifadə edirik.
Xidmətlərimizlə daha ətraflı tanış olmaq üçün Sanitariya.az səhifəsinə keçid edə bilərsiniz.

Telegramda izləyin