Saçların uzanmasını necə sürətləndirmək olar? - 1 nömrəli efir yağı

Rozmarin yağı saçları möhkəmləndirir, qıvrımlarla mübarizə aparır və istilik zərərlərindən qoruyur, eləcə də böyüməni stimullaşdırır. Sosial media yağın möcüzəvi xüsusiyyətləri haqqında danışır, indi isə bərbərlər bunun doğru olub-olmadığını aydınlaşdırıblar.

Valyuta.az xəbər verir ki, bu barədə "Realsimple" yazıb.

Rozmarin yağının faydaları

"Tərkibi baş dərisi üçün antiseptik xüsusiyyətləri ilə daha çox tanınır. Bu da onu kəpəklə mübarizə üçün ideal edir", deyə bərbər və təbii saçlar üzrə ekspert Dərris Pis bildirib.

Rozmarin yağı saç artımı üçün

Triхoloq Vilyam Qaunitsin sözlərinə görə, 2015-ci ildə aparılan bir araşdırmada saç tökülməsinə qarşı istifadə olunan "minoksidil" ilə rozmarin yağı altı ay ərzində müqayisə edilib. Hər iki vasitə oxşar nəticələr göstərib, lakin rozmarin yağı baş dərisini daha az qıcıqlandırdığı üçün daha üstün hesab olunub.

Triхoloq Bridjit Hill isə bildirib ki, baş dərisinin mikrobiom balansının qorunması saç artımı mövzusunda əsas prioritet olmalıdır:

"Rozmarin yağı antimikrob və iltihabəleyhinə xüsusiyyətlərə malikdir, qan dövranını yaxşılaşdırır və tərkibində yağ turşuları var. Bu səbəbdən saçların uzanması üçün faydalıdır".

Rozmarin yağını necə hazırlamaq olar?

Dərinin qıcıqlanma riskini azaltmaq üçün efir yağları adətən kokos və ya zeytun yağı kimi yumşaq baza yağları ilə durulaşdırılır. Bunun üçün bir çay qaşığı rozmarin yağını yarım stəkan baza yağına əlavə etmək kifayətdir.

Rozmarin yağını saçlara necə çəkmək olar?

Rozmarin yağı yağ turşuları ilə zəngin olduğu üçün ondan az miqdarda istifadə etmək tövsiyə olunur. Bu, baş dərisinin və saçların həddindən artıq yağlanmasının qarşısını alır.

"Rozmarin yağından istifadə etməyin ən yaxşı yolu onu az miqdarda baş dərisinə sürtüb masaj etməkdir. İstifadə olunan yağın miqdarı saçın sıxlığından asılıdır", deyə Dərris Pis məsləhət görür.

Mütəxəssislər yağı həftədə təxminən üç dəfə baş dərisinə çəkib barmaq ucları ilə yumşaq masaj etməyi tövsiyə edirlər. Bu, qan dövranını və yağın hopmasını yaxşılaşdırır. Triхoloq məsləhətçisi Anabel Kinqsli isə rozmarin yağının yuyulmayan vasitə kimi tətbiq edilməsini məsləhət görür ki, təsir göstərmək üçün daha çox vaxtı olsun.

Alternativ olaraq, dermatoloq Mamina Tureqano tərəfindən tövsiyə edilən daha sürətli üsul da var: "Şampuna üç-beş damcı rozmarin efir yağı əlavə edib baş dərisinə masaj edin, beş dəqiqə saxlayın və sonra yuyun".

Telegramda izləyin