İsti duş xərçəngi aşkar etməyə kömək edə bilər

Həkimlər su prosedurları zamanı öz vəziyyətinizi izləməyi tövsiyə edirlər - bu, orqanizmdəki problemləri vaxtında aşkar etməyə kömək edə bilər.

Lent.az xarici mediaya istinadən xəbər verir ki, mütəxəssislər isti duşun leykoz və ya qan xərçənginin qeyri-adi göstəricilərindən biri ola biləcəyini hesab edirlər.

Qan xərçənginin ilkin mərhələlərində simptomlar başqa xəstəliklərə bənzəyə bilər və ümumi halsızlıq, tez yorulma, dəridə kiçik zədələr kimi özünü göstərə bilər.

Bununla belə, diqqət yetirilməli olan qeyri-adi əlamətlərdən biri duş qəbul etdikdən sonra yaranan qaşınmadır.

Qan xərçənginin erkən mərhələlərində yüksək histamin tərkibli hüceyrələr (allergik reaksiyalara cavabdeh olan maddə) xüsusilə həssas olur. Nəticədə dəri isti suya reaksiya verərək qaşınma yarada bilər.

Qan xərçəngi adətən 40 yaşdan yuxarı insanlarda diaqnoz edilir. Buna görə də əgər siz bu yaş kateqoriyasına daxilsinizsə və duşdan sonra güclü qaşınma hiss edirsinizsə, ümumi qan analizi üçün həkimə müraciət etməyiniz məsləhətdir.

Telegramda izləyin