Məşhur fenomen geyiminə görə təyyarəyə buraxılmadı: "Mənə dedilər ki, çılpaqsınız" - VİDEO

Alman fitness fenomeni Edda Elisa geyiminin "uçuş üçün uyğun olmadığı" əsas gətirilərək Almaniyanın ən böyük hava yollarından biri olan Lufthansa-nın əməkdaşları tərəfindən təyyarəyə buraxılmayıb.

Sonxeber.az xarici mediaya istinadla xəbər verir ki, sosial şəbəkələrdə paylaşdığı fitness məzmunu ilə geniş izləyici kütləsi qazanan fenomen hava limanında gözlənilməz hadisə ilə üzləşib. Edda Elisa Lufthansa ilə uçuş etmək üçün qeydiyyatdan keçərkən geyiminin aviaşirkətin qaydalarına uyğun olmadığı bildirilib və onun təyyarəyə minməsinə icazə verilməyib.

Fenomen sosial media hesabında paylaşdığı videoda bildirib ki, hava yolu əməkdaşlarının reaksiyası onu təəccübləndirib. Onun sözlərinə görə, əməkdaşlar hazırkı geyimi ilə təyyarəyə minə bilməyəcəyini deyərək əlavə paltar geyinməsini tələb ediblər.

Edda Elisa bildirib ki, ona belə deyilib:

"Üzərinizdə demək olar ki, heç nə yoxdur, siz çılpaqsınız. Bu, normal geyim hesab olunmur. Üstünüzə əlavə nəsə geyinsəniz, keçə bilərsiniz"

Fenomen geyiminin uçuş üçün problem yaratmadığını düşünsə də, səyahətini ləğv etməmək üçün əməkdaşların tələbini yerinə yetirməyə məcbur qaldığını deyib.

"Çox təəccübləndim. Təyyarəyə minə bilmək üçün məcbur qalıb üstümə əlavə geyim geyindim", - deyə Edda Elisa paylaşımında qeyd edib.

Telegramda izləyin