Toyundan bir gün sonra çempion oldu: Məşhur velosipedçinin uğuru gündəm yaratdı

Türkiyənin Muğla Böyükşəhər Bələdiyyəsinin Qitə Velosiped Komandasının idmançısı Samet Bulut toyundan cəmi bir gün sonra əldə etdiyi çempionluqla diqqət çəkib.

Sonxeber.az xarici mediaya istinadla xəbər verir ki, Bursada keçirilən toy mərasimindən sonra Siirtə yollanan Samet Bulut burada təşkil olunan Türkiyə Yol Velosipedi Çempionatında bütün rəqiblərini geridə qoyaraq birinci olub. Beləliklə, idmançı həm toy sevinci, həm də çempionluq qazanaraq qısa müddətdə ikiqat xoşbəxtlik yaşayıb.

Muğla Böyükşəhər Bələdiyyəsinin Qitə Velosiped Komandasının baş koordinatoru İlker Cömert bildirib ki, komanda Siirtdə təlim-məşq toplanışında olduğu üçün Samet Buluta üç günlük məzuniyyət vermək istəyiblər. Lakin idmançı yalnız bir günlük icazə istəyib.

Cömertin sözlərinə görə, Samet Bulut toy günü belə məşqlərini dayandırmayıb: "Bütün israrlarımıza baxmayaraq, toy günü səhər Bursada üç saatlıq məşqini etdi. Ertəsi gün isə Siirtdə keçirilən yarışda Türkiyə çempionu oldu. Bu, həqiqətən inanılmazdır. Esma və Sametə ömür boyu xoşbəxtlik arzulayırıq".

Telegramda izləyin