Almaniyadan gələn gənc qadının festival paylaşımı müzakirə yaratdı: "DJ var, amma heç kim rəqs etmir" - VİDEO

Almaniyadan Türkiyənin Samsun şəhərində keçirilən festivala qatılan gənc qadının sosial şəbəkədə paylaşdığı video geniş müzakirələrə səbəb olub. O, festival iştirakçılarının əylənmədiyini iddia edib.

Sonxeber.az xarici mediaya istinadla xəbər verir ki, festival ərazisində çəkdiyi görüntüləri paylaşan gənc qadın izdihama baxmayaraq insanların əksəriyyətinin rəqs etmədiyini və sakit vaxt keçirdiyini bildirib.

Videoda "Əyləncə ruhunu itirmiş ölkə" ifadəsini işlədən qadın, "DJ var, amma heç kim rəqs etmir. Yalnız mən rəqs edirəm", - deyə bildirib.

O, həmçinin ərazidəki insanların daha çox oturub söhbət etdiyini vurğulayaraq, "Hamı çay içir, şorba içir, tum çırtlayır", - sözləri ilə diqqət çəkib.

Qısa müddətdə minlərlə baxış toplayan video sosial şəbəkələrdə müxtəlif reaksiyalara səbəb olub. Bəzi istifadəçilər gənc qadının fikirləri ilə razılaşaraq festivalda əyləncə ab-havasının zəif olduğunu qeyd ediblər. Digərləri isə əyləncə anlayışının hər kəs üçün fərqli olduğunu və insanların festivaldan müxtəlif formalarda zövq aldıqlarını bildiriblər.

Telegramda izləyin