Yaşlı kişinin təklifi gənc qadını şoka saldı - VİDEO

Türkiyədə gənc qadının sosial şəbəkədə paylaşdığı hadisə qısa zamanda geniş müzakirələrə səbəb olub.

Bu barədə Sonxeber.az xarici mediaya istinadla xəbər verir.

Qadının sözlərinə görə, küçədə qarşılaşdığı yaşlı bir kişiyə nəzakət xatirinə salam verib. Kişinin onu yanına çağırmasından sonra əvvəlcə adi söhbət edəcəyini düşünsə də, gözləmədiyi təkliflə üzləşib.

İddiaya görə, yaşlı kişi gənc qadına "Pulum var, təqaüdçüyəm, sənə baxaram" deyərək münasibət təklif edib.

Bu sözlər qarşısında təəccübləndiyini bildirən qadın həmin şəxsə sərt reaksiya verib. O, "Mən sənin yaşıdınam? Get öz yaşıdın olan birini tap. Özünə nəzarət et", - deyə cavab verdiyini bildirib.

Gənc qadın daha sonra paylaşımında yaşlı kişinin təqaüdünü üstünlük kimi təqdim etməsinə də istehzalı münasibət göstərərək, bu məbləğin müasir dövrdə kifayət etmədiyini qeyd edib.

Qadının paylaşımı sosial şəbəkələrdə müxtəlif reaksiyalara səbəb olub.

Telegramda izləyin