Həbsdən məzuniyyətə çıxan şəxs anasını bıçaqla təqib edib

Türkiyənin Eskişehir şəhərində cəzaçəkmə müəssisəsindən məzuniyyətə buraxılan bir şəxs anasını küçədə bıçaqla təqib edib.

Sonxeber.az xarici mediaya istinadla xəbər verir ki, hadisə Odunpazarı rayonunda baş verib.

Məlumata görə, hələlik naməlum səbəbdən anasına hücum edən şəxs qadını qorxuya salıb. Qadın canını qurtarmaq üçün həmin vaxt açıq olan bir mağazaya sığınıb.

Hadisə yerinə çağırılan polis əməkdaşları şübhəlini saxlayıblar. Polis avtomobilinə mindirilərkən üst geyimi olmayan şəxs "Mən Türk Cəza Məcəlləsini əzbər bilirəm" deyə qışqırıb.

Şübhəli hadisə yerinə gələn jurnalistlərə də aqressiv davranaraq polis avtomobilini yumruqlayıb.

Faktla bağlı araşdırma aparılır.

Telegramda izləyin