Oğru zənn edirdi, qarşısına bayquş çıxdı - VİDEO

Türkiyənin Trabzon vilayətində yaşayan arıçı Mustafa Kara gecə saatlarında evdən gələn səsləri oğru zənn edərək yoxlamağa gedib. İşığı yandıranda isə qarşısında bayquş gördüyünü bildirib.

Sonxeber.az xarici mediaya istinadla xəbər verir ki, arıçı təhlükəsizlik məqsədilə arıçılıqda istifadə etdiyi maskanı taxıb, dəsmalın köməyi ilə quşu ehtiyatla tutaraq eyvana çıxarıb və yenidən təbiətə buraxıb.

Mustafa Kara bildirib ki, əvvəlcə evə oğru girdiyini düşünüb, lakin sonradan bunun bayquş olduğunu anlayıb. O, bayquşun olduqca sakit və sevimli olduğunu, bu cür vəhşi quşun evlərinə gəlməsinin onlar üçün maraqlı təcrübə olduğunu deyib.

Karanın hadisəni yumorla danışdığı və bayquşla etdiyi zarafatlı söhbət sosial şəbəkələrdə maraqla qarşılanıb.

Telegramda izləyin