Rusiyalı psixoloq maliyyə qorxularından qurtulmağın yollarını açıqladı

Maliyyə qorxularını azaltmağın yolu özünüzə üç əsas sualı dürüst cavablandırmaqdan keçir.

Oxu.Az xəbər verir ki, bu barədə rusiyalı psixoloq İrina Korjayeva kp.ru saytına açıqlamasında bildirib.

Mütəxəssisin sözlərinə görə, insanlar ən çox işlərini və ya əmək qabiliyyətlərini itirməkdən çəkinirlər. Bu cür narahatlıqlar sabit gəlir olmadan vərdiş etdikləri həyat tərzini qoruyub saxlamaq çətinliyi ilə bağlıdır. Korjayeva qeyd edir ki, təşvişi sadəcə qəbul etmək kifayət deyil, onun kökünü və səbəblərini dərindən anlamaq lazımdır.

Psixoloq həyatı asanlaşdıracaq həmin üç sualı belə sıralayır:

1. Mən əslində nədən qorxuram? (Bu sual qorxunun əsas səbəbi ilə real vəziyyəti bir-birindən ayırmağa kömək edir).

2. Belə bir təhlükə həqiqətən də mövcuddurmu? (Vəziyyətin reallığını obyektiv qiymətləndirmək lazımdır).

3. Arzuolunmaz ssenarinin qarşısını almaq üçün indidən nə edə bilərəm?

Mütəxəssis vurğulayır ki, yalnız düşünməklə vəziyyəti dəyişmək mümkün deyil, konkret addımlar atmaq vacibdir. Korjayeva narahatlıqdan uzaqlaşıb praktik plana keçməyi tövsiyə edir: gəlir və xərclərinizi təhlil edin, mümkün riskləri qiymətləndirin və baş verə biləcək problemlərin qarşısını almaq üçün önləyici tədbirlər görün.

Telegramda izləyin