Erlinq Haaland "TikTok"da "əkiz bacısını" tapdı

Saç hörmə dərsləri sayəsində şöhrət qazanan gözəllik bloqçusu Emma Keyt Uillman dünyanın hər yerindəki futbol azarkeşlərinin diqqət mərkəzinə düşüb.

Lent.az-ın xarici mediaya istinadən xəbərinə görə, Dünya çempionatı başlayandan bəri, onun sosial mediasında minlərlə şərhçi Norveçin ulduz hücumçusu Erlinq Haaland kimi göründüyünü iddia edir.

İstifadəçilər zarafatla 24 yaşlı Emmanı 25 yaşlı hücumçunun "uzun müddətdir itirilmiş əkiz bacısı" adlandırırlar və bəziləri hətta ona sanki Haalandın özü kimi göründüyünü yazırlar.

Saç düzümü videosunun altında bir şərhdə "Bu gün əla oyun, qardaş!" yazılıb. Başqa bir azarkeş əlavə edib: "İkinci qola doğru irəliləmən tamamilə dəlilik idi. İngiltərəyə qarşı uğurlar!"

Bu oxşarlıq, Emma kimi Haalandın da oyunlar zamanı sarı saçlarını tez-tez at quyruğu və ya hörük şəklində saxlaması ilə daha da güclənir.

Əvvəlcə Emma Keyt yüngül bir çaşqınlıq ifadə edib. İyulun 5-də o, vəziyyəti lağa qoyan bir video paylaşıb:

"Haalanda bütün hörmətimlə, mən sadəcə Çarlstondan olan kiçik bir qızam", - o, zarafatla bildirib.

Lakin bloqçu tezliklə bu trendi qəbul etmək qərarına gəlib. O, internet qaydalarını tam mənimsəyib və futbolçunun özünəməxsus saç düzümlərini yenidən yaratmağa başlayıb.
Bu addım təkcə azarkeşlər deyil, həm də idmançının özü tərəfindən təriflənib. Bu yaxınlarda Erlinq Haaland Emmanın səhifəsinə daxil olub (onun artıq "Instagram"da 146.000-dən çox, TikTokda isə 414.000 izləyicisi var) və ən populyar videosunun altında qısa bir şərh yazıb: "Salam". Futbolçunun şərhi dərhal virusa çevrilib və 2 milyondan çox bəyənmə toplayıb.

"PEOPLE"a eksklüziv müsahibəsində Emma bütün bunların yuxu kimi hiss olunduğunu etiraf edib.

"Saçlarımı hörməyimin milyonlarla insanın məni Erlinq Haalandla müqayisə etməsinə səbəb olacağını heç vaxt düşünməmişdim. İnternetdə gülüşləri izləmək möhtəşəm idi.

Amma Erlingin özü videoma şərh yazanda bu, tamamilə qeyri-real idi", - o, paylaşyıb. "Bu pozitivlik dalğasını tutduqları üçün insanlara sadəcə minnətdaram".

Hekayə real həyatda da davam edə bilər. Bu həftə sonu Emma Keyt Norveçin İngiltərə ilə qarşılaşacağı oyunu Mayamidə tribunadan izləyəcək.

"Bütün bunlardan sonra yollarımız həqiqətən şəxsən kəsişsə, həqiqətən gülməli olardı", - o, gülümsəyərək əlavə edib.

Telegramda izləyin