Dostuna verdiyi toy hədiyyəsi təəccüb doğurdu - VİDEO

Türkiyənin Osmaniyə vilayətində keçirilən toy mərasimində bəyə təqdim olunan qeyri-adi hədiyyə həm qonaqların, həm də sosial şəbəkə istifadəçilərinin diqqətini cəlb edib.

Sonxeber.az xarici mediaya istinadla xəbər verir ki, hədiyyə mərasimi zamanı qırmızı lentlərlə bəzədilmiş quzunu qucağında zala daxil olan bəyin dostu mərasim iştirakçılarının marağına səbəb olub. O, bir müddət bəy İzzətin Atabeylə birlikdə musiqi sədaları altında rəqs etdikdən sonra quzunu toy hədiyyəsi kimi ona təqdim edib.

Qonaqlar tərəfindən mobil telefonla lentə alınan həmin anların görüntüləri sosial şəbəkələrdə geniş maraqla qarşılanıb.

Bəy İzzətin Atabey bildirib ki, dostunun sürprizi toyun ab-havasına xüsusi rəng qatıb.

"Halay oynayarkən dostumun quzu ilə zala daxil olması məni həm təəccübləndirdi, həm də sevindirdi. Həmin anda toy iştirakçılarının üzündə təbəssüm yarandı, hər kəs telefonunu çıxarıb həmin anları çəkirdi. Toyumuz onsuz da gözəl keçirdi, amma bu hədiyyə onu daha da yaddaqalan etdi. Quzunu evimizə aparmışıq və hazırda bağımızda ona qulluq edirik", - deyə bəy qeyd edib.

Telegramda izləyin