Zibil atmaq mübahisəsi silahlı davaya çevrildi: Bir nəfər yaralandı - VİDEO

Türkiyənin Çorum şəhərində iki qonşu iş yeri sahibi arasında zibil atmaq məsələsi ilə bağlı başlayan mübahisə silahlı insidentə çevrilib.

Sonxeber.az xarici mediaya istinadla xəbər verir ki, hadisə axşam saatlarında Mobilyacılar Saytı ərazisində baş verib. İddiaya görə, iş yeri sahibləri Ö.G. və B.D. arasında zibil atılması ilə bağlı mübahisə yaranıb. Gərginlik artaraq davaya çevrilib.

Bu zaman B.D.-nin dostu olduğu bildirilən R.A. yanında olan ov tüfəngi ilə Ö.G.-nin iş yerində çalışan S.Ü.-yə atəş açıb. Tüfəngdən çıxan saçmalar işçinin ayağına dəyib və o, yaralanıb.

Hadisədən sonra şübhəli şəxs tüfənglə birlikdə ərazidən qaçıb. Xəbər daxil olduqdan sonra hadisə yerinə polis və tibbi yardım əməkdaşları göndərilib. Yaralı xəstəxanaya aparılıb.

Dava anı iş yerinin təhlükəsizlik kamerasına düşüb. Görüntülərdə tərəflərin bir-birinə yumruq və təpiklərlə hücum etdiyi, qarşıdurma zamanı bir şəxsin tüfəngi qarşı tərəfə tuşladığı anlar əks olunub.

Polis hadisədən sonra qaçan R.A.-nın saxlanılması üçün araşdırmaları davam etdirir.

Telegramda izləyin