Dövlət başçısı səviyyəsində verilən ən yüksək dövlət ordenləri sadə simvolik jest deyil

"Özbəkistan Prezidenti Şavkat Mirziyoyevin Azərbaycan Prezidenti İlham Əliyevi "Ali Dostluq Dərəcəsi" ordeni ilə təltif etməsi iki qardaş ölkə arasındakı münasibətlərin artıq protokolun ən yüksək səviyyəsində rəsmiləşdiyinin göstəricisidir. Azərbaycan Respublikasının Prezidenti İlham Əliyev Özbəkistan Respublikasının "Ali Dostluq Dərəcəsi" ordeni ilə təltif edilib. Bununla bağlı Özbəkistan Prezidenti Şavkat Mirziyoyev müvafiq Sərəncam imzalayıb. Mükafatlandırma mərasimi Prezident İlham Əliyevin Özbəkistana dövlət səfəri çərçivəsində Daşkənddə baş tutub".

Bunu Sonxeber.az-a açıqlamasında Milli Məclisin deputatı Naqif Həmzəyev bildirib.

"Dövlət başçısı səviyyəsində verilən ən yüksək dövlət ordenləri adətən sadə simvolik jest deyil. Onlar əvvəlcədən görülmüş konkret işlərə görə verilir, mərasimin rəsmi dövlət səfərinə təsadüf etməsi də təsadüfi hesab edilməməlidir. Belə təltiflər çox vaxt uzunmüddətli, artıq real nəticə vermiş əməkdaşlığın rəsmi tanınmasıdır.
Bunu siyasi qiymət kimi dəyərləndirmək olarmı?
Bəli, bir sıra əsaslara görə bunu belə şərh etmək olar.
Konkret nəticələrlə üst-üstə düşmə. Təltif, ticarət dövriyyəsinin son illərdə üç dəfədən çox artması, 500 milyon dollarlıq Azərbaycan-Özbəkistan İnvestisiya Şirkətinin fəaliyyəti və Hökumətlərarası Komissiyanın artıq 15 iclas keçirməsi kimi konkret iqtisadi nailiyyətlər fonunda baş verir. yəni rəmzi akt real nəticələrin arxasınca gəlir.
Ordenin məhz dövlət səfəri çərçivəsində verilməsi onu adi diplomatik nəzakət aktından fərqləndirərək ikitərəfli gündəmin əsas mövzularından birinə çevirir.
Azərbaycan Özbəkistan münasibətləri steateji müttəfiqlik səviyyəsindən əbədi dostluq səviyyəsinə qalxdı. Belə çərçivədə ən yüksək dövlət ordeninin verilməsi bu statusun rəsmi, qarşılıqlı tanınma formasıdır".

Röyalə Xəyal

Telegramda izləyin