Yıldız Tilbenin konsertində gözlənilməz anlar: Kömək etmək istəyən əməkdaşı itələdi - VİDEO

Məşhur türkiyəli müğənni Yıldız Tilbenin konserti zamanı maraqlı anlar yaşanıb. Səhnədə yüksək platformanın üzərinə əyilərək mahnı oxuyan sənətçi ayağa qalxmaq istədiyi vaxt ona kömək etmək istəyən təhlükəsizlik əməkdaşını əli ilə geri itələyib.

Sonxeber.az xarici mediaya istinadla xəbər verir ki, özünəməxsus səhnə tərzi və enerjisi ilə tez-tez gündəmə gələn Yıldız Tilbenin son konsertində yaşanan bu hadisə də tamaşaçıların diqqətindən yayınmayıb.

Belə ki, Tilbe səhnədə dekorativ platformanın üzərinə əyilərək mahnısını ifa edib. Daha sonra ayağa qalxmaq istədiyi zaman tarazlığını itirməməsi üçün təhlükəsizlik əməkdaşı ona dəstək olmağa çalışıb.

Əməkdaş müğənninin qoluna toxunaraq ona yardım etmək istəsə də, Tilbe əl hərəkəti ilə onu geri itələyərək müdaxilədən narazı olduğunu göstərib.

Buna baxmayaraq, müğənni ifasını dayandırmayıb. Təhlükəsizlik əməkdaşını geri itələdikdən sonra platformanın üzərində ayağa qalxan Tilbe mahnısını ritmik hərəkətlərlə davam etdirib.

Həmin anlar tamaşaçıların kameralarına düşüb və qısa müddətdə sosial şəbəkələrdə yayılaraq müzakirələrə səbəb olub.

Telegramda izləyin