Zelenski: "Müharibə belə bitəcək…"

Ukrayna Prezident Volodimir Zelenski ölkəsinin Rusiya üzərində qələbəsini necə gördüyündən danışıb.

O, ordunun fevralın 24-dək olan demarkasiya xəttinə çıxması zamanı bitəcəyini bəyan edib.

"Bu bizi ələ keçirmədiklərini göstərəcək. Biz öz torpağımızı müdafiə etdik. Sonra ikinci hissəyə keçəcəyik. Və mən istərdim ki, bu ölkənin (RF) kifayət qədər ağlı olsun ki, ikinci hissə haqqında masa arxasında danışaq. Və bu söhbətin yekunu ədalətli nəticə olacaq", - Zelenski bildirib.

Rusiya ilə müharibənin sonunu necə gördüyünə gəldikdə Zelenski qeyd edib ki, müharibəni onlar başlatmayıb, amma özləri bitirməlidirlər: "Qələbə isə çox çətin olacaq. Qanlı olacaq, mütləq döyüşdə olacaq. Amma sonluq mütləq diplomatiyada olacaq. Mən buna əminəm. Çünki bəzi şeylər var ki, danışıqlar masası xaricində başa çatdıra bilməyəcəyik... Çünki biz hər şeyi geri qaytarmaq istəyirik və Rusiya isə başqa sözlə desək heç nə vermək istəmir. Ona görə də sonluq belə olacaq", - deyə Zelenski əlavə edib.

Telegramda izləyin