Metroda kondisioner istəyənlərin NƏZƏRİNƏ: Yeni qatarlar bu tarixdən İSTİFADƏYƏ VERİLƏCƏK

Bildiyimiz kimi, bir neçə müddətdir ölkə ərazisində qeyri-sabit hava şəraiti müşayiət olunur. Sərin havalardan sonra paytaxt Bakı şəhərində mövcud istilər evdə, iş yerlərində, ictimai nəqliyyatda soyutma sistemini aktuallaşdırır. İsti havalarda insanlar sərinliyi daha çox yerin altında-yəni metroda axtarır. Lakin sərnişin sıxlığı və bir sıra qatarların köhnə olması bu məsələni bir qədər qəlizləşdirir. "Bakı Metropoliteni"ndə mövcud qatarlar arasında yeni nəsil, soyutma sistemi olan qatarlar fəaliyyət göstərir. Lakin buna baxmyaraq, metroda hələ də köhnə standartlara uyğun qatarları görmək mövcuddur.

Köhnə nəsil qatarlarda soyutma sistemi yoxdur və sıxlıq olduğu üçün nəfəsliklər açıq qoyulur. Əlbəttə ki, bu tək nəfəslik ilə həll olan bir problem deyil. Metolarda sərnişin sıxlığından vətəndaşlar arasında istidən huşunu itirmə və infarkt keçirənlər olub. Bütün bunları nəzərə aldıqda, metrolarda köhnə qatarlar nə vaxt yeniləri ilə əvəz olunacaq?

Mövzu ilə bağlı Sonxeber.az-a danışan "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov bildirib ki, hal-hazırda "Bakı Metropoliteni"nin vaqon parkı 3 kateqoriya üzrə 61 qatardan ibarətdir. Metropolitenin 61 qatarından 23-ü isə yeni nəsil qatarlardır:

" Bağlanmış müqaviləyə əsasən yaxın 3 il ərzində Bakı metropoliteninə 65 yeni vaqon gətiriləcək. Bu vaqonlardan 35-i, yəni 7 qatar tərkibi bu il sonuna qədər "Bakı Metropoliteni"ndə olacaq. Beləliklə mövcud 23 qatarın sayı 30-a çatdırılacaq. Sərnişinlər əsas hərəkət xətti yaşıl və qırmızı rəngli xətlərdir. Yeni nəsil qatarlar məhz bu istiqamət üzrə hərəkət edir. Gün ərzində orta hesabla 40-43 qatar xətdə olur. 23 qatarın yeni olduğunu nəzərə alsaq, demək olar ki, xətdə olan qatarların yarısı yeni nəsil qatarlar hesab olunur. İstisna yalnız ondan ibarətdir ki, "Bakı Metropoliteni"n normativ tələblərinə uyğun olaraq, qatarlar mütləq qaydada 12-20 saat xətdə olduqdan sonra mütləq qaydada Nərimanov elektrik deposuna baxış, qulluq və texniki xidmət üçün təmirə göndərilməlidir".

Sevda Səfərova

Telegramda izləyin

instagramda izləyin