"Cənab prezident İlham Əliyev sayəsində 4 ildir ki, bu tarixi günü qalib ölkənin nümayəndəsi kimi qeyd edirik" - DEPUTAT

"Azərbaycan tarixinin ən önəmli günlərindən biri 18 Oktyabr Dövlət Müstəqilliyimizin Bərpası Günüdür".

Bunu Sonxeber.az-a danışan deputat Günay Ağamalı bildirib.

Deputat qeyd edib ki, 33 ildir ki, onun ildönümünü qeyd edirik:

"1991-ci il Oktyabrın 18-də Azərbaycan Respublikası Ali Soveti Dövlət müstəqilliyi haqqında Konstitusiya Aktını qəbul edərək, bütün dünyaya Azərbaycanın müstəqil, demokratik və dünyəvi dövlət olduğunu bəyan etdi.

1993 - cü ildə xalqımızın tələbi ilə Ulu Öndər Heydər Əliyevin siyasi hakimiyyətə qayıdışı müstəqilliyimizin əbədiliyini, sarsılmazlığını və dönməzliyini təmin etdi.

Dövlət başçısı cənab İlham Əliyevin siyasi iradəsi ilə güclənən ölkəmizdə artıq 4 ildir ki, bu tarixi günü ərazi bütövlüyümüzü bərpa edən qalib xalq kimi qeyd edirik. Bu gün hər bir azərbaycanlı müstəqil, azad, bütövləşən ölkəmizlə fəxr edir, qürur duyur. Müstəqilliyin mübarək, Azərbaycan!"

Telegramda izləyin