"Bu imtahanı verənlər biləcək ki..."- DİM sədri ictimaiyyətə səsləndi

"Siz bilirsiniz ki, mənim yaşıdlarım 7 yaşa qədər azərbaycandilli ailədə böyüyən bir uşaq rus məktəbinə gedir və ömür boyu bütün təhsilini rus dilində alır, elmi əsərləri rus dilində yazırdı. Amma biz azərbaycanlıyıq və Azərbaycan dili kimliyimizi müəyyən edən ən vacib amildir".

Ölkə.Az xəbər verir ki, bu sözləri Dövlət İmtahan Mərkəzinin (DİM) İdarə Heyətinin sədri Məleykə Abbaszadə Azərbaycan Dili üzrə Sertifikasiya İmtahanının sınaq versiyası üçün onlayn platformanın təqdimat mərasimində çıxışı zamanı deyib.

O, ictimaiyyəti Azərbaycan dili biliyini yoxlamaq üçün imtahan verməyə çağırıb:

"Data üçün bizə azı 2000 nəfərin nəticəsi lazımdır. Dəqiq data əldə etmək üçün hər bir yaş həddinə aid 2 min nəfər lazımdır. Bu imtahanı verənlər biləcək ki, onlar Azərbaycan dilini hansı səviyyədə bilirlər. Ümidvaram ki, bu addımımızı Azərbaycan ictimaiyyəti qiymətləndirəcək".

Qeyd edək ki, platformada 4 blok üzrə imtahan vermək üçün ümumilikdə 3 saat vaxt ayrılıb.

Telegramda izləyin