Zelenski Rusiya ilə birbaşa danışıqlara başlamaq üçün şərtləri açıqlayıb

Ukrayna Prezidenti Volodimir Zelenski Kiyevin Moskva ilə birbaşa danışıqlara hazır olduğunu bildirib.

Oxu.Az xəbər verir ki, bu barədə "İnterfaks-Ukrayna" agentliyi məlumat yayıb.

Bununla belə, o, Rusiya prezidenti Vladimir Putinlə məsələləri müzakirə etmək istəmir.

"Düşünürəm ki, prinsipcə biz Putinlə deyil, Rusiyanı təmsil edəcək biri ilə danışmağa razı olardıq", - Zelenski bildirib.

Onun sözlərinə görə, Rusiyada Ukrayna ilə danışıqlar aparmaq iqtidarında olan və hazırkı münaqişəyə necə son qoymaq barədə təsəvvürü olan insanlar var.

Bu arada məlum olub ki, Ukrayna münaqişəsinin həlli üzrə Rusiya-ABŞ danışıqlarının yeni mərhələsi aprelin ortalarında Səudiyyə Ərəbistanının paytaxtı Ər-Riyadda keçirilə bilər.

Telegramda izləyin