Dünyada hər 2 dəqiqədə 1 hamilə qadın ölür - Trampın qərarı rəqəmləri artıra bilər

Dünyada hər 2 dəqiqədə bir hamilə qadın ölür.

Ölkə.Az NTV-yə istinadla xəbər verir ki, bu Ümumdünya Səhiyyə Təşkilatının (ÜST) açıqladığı hesabatda yer alıb.

Qeyd edilib ki, buna səbəb hamiləlik zamanı qadınlara lazımi qayğının göstərilməməsidir.

2023-cü ildə dünyada 260 min qadın hamilə olarkən və ya doğuşdan sonrakı 6 həftə ərzində ölüb.

Bu, hər gün 712, hər saat isə 30 hamilə və ya yeni ana olmuş qadının ölməsi deməkdir.

ÜST 2030-cu ilə qədər hamilə ölümlərinin hər 100 mində 71-ə endirilməsi ilə bağlı bağlı hədəfdən geridə qaldıqlarına diqqət çəkib.

2000-ci illə müqayisədə 40%-lik irəliləmə qeydə alınsa da, hazırda hər 100 mində 197 qadını həlak olur.

Məlumata görə, ən çox ölüm halları Sub-Sahara Afrika ölkələrində baş verir. Qeyd olunur ki, ABŞ administrasiyası beynəlxalq yardımı kəsdiyi üçün hamiləlik zamanı ölüm halları daha da artacaq.

Xatırladaq ki, Donald Tramp hakimiyyəti hamiləlik və ailə planlaması üçün 770 milyon dollarlıq beynəlxalq yardımı kəsmək qərarına gəlib.

Dünyanın 60-a yaxın ölkəsi ABŞ-nin bu yardımından faydalanırdı. Bu ölkələrin əksəriyyəti Afrika və Cənubi Asiyada yerləşir.

Telegramda izləyin