"Bu gün Azərbaycan yeni dövrün tələblərinə uyğun siyasət həyata keçirir" - DEPUTAT

"Vətən müharibəsindən əldə etdiyimiz möhtəşəm zəfərdən sonra Azərbaycanın beynəlxalq siyasətdə oynadığı aktiv rol, COP29 kimi mühüm beynəlxalq tədbirə uğurla ev sahibliyi etməsi, eləcə də Qoşulmama Hərəkatı sədrliyi dövründə göstərdiyi liderlik, ölkəmizin Şimalla Cənub arasında körpü rolunu üzərinə götürməyə hazır olduğunu sübut edir".

Bunu Sonxeber.az-a danışan deputat Cavanşir Paşazadə bildirib

Deputat qeyd edib ki, bu gün ölkəmizin beynəlxalq vasitəçilik təşəbbüsləri və çoxtərəfli əməkdaşlığa verdiyi önəm onu yeni beynəlxalq nizamda mühüm oyunçulardan birinə çevirir:

Ölkəmizin son 5 ilə yaxın dövrdə əldə etdiyi uğurlar Cənubi Qafqazın aparıcı dövləti olduğunu təsdiq edir. Azərbaycan təkcə öz milli maraqları üçün deyil, həm də beynəlxalq ədalətin və balanslı əməkdaşlığı tərəfdarı kimi çıxış edir. 44 günlük Vətən müharibəsində Azərbaycan tək ərazi bütövlüyünü bərpa etmədi, həm də regionda yeni reallıq yaradıb. Məhz buna görə də ölkəmiz ziddiyyət olan ölkələr arasında vasitəçilik də edir. Həmin ölkələr ortaq razılıq əldə etmək üçün Azərbaycanı məkan olaraq seçirlər. Çünki bu gün Azərbaycan dünyada baş verən dəyişikliklərə uyğun, yeni dövrün tələblərinə uyğun siyasət həyata keçirir. Əsas məqsəd də mövcud mürəkkəb şərtlərdə belə milli maraqlarımızın qorunmasıdır".

Deputat vurğulayıb ki, bu gün tək tələbimiz müstəqil dövlət kimi bizim maraqlarımıza hörmətlə yanaşılmasıdır:

"Cənab prezident İlham Əliyevin həyata keçirdiyi daxili və xarici siyasət nəticəsində ölkəmiz beynəlxalq münasibətlər sistemində etibarlı tərəfdaşa çevrilib. Düzdür, bəzi güc mərkəzləri Azərbaycanı öz təsiri altına almağa çalışsalar da onların bu cəhdləri uğursuzluqla nəticələnib. Təbii ki, bu cənab prezident İlham Əliyevin həyata keçirdiyi gələcəyə hesablanan uğurlu siyasətinin nəticəsidir. Məhz buna görə də bu gün Azərbaycan müstəqil siyasət yürüdür.
Bəzi dövlətlərdən fərqli olaraq Azərbaycan Cənubi Qafqazda davamlı sülhün təmin olunmasına və əməkdaşlıq mühitinin yaradılmasında maraqlıdır. Fransa və bəzi Avropa ölkələri regionda vəziyyəti gərginləşdirmək cəhdləri hər zaman iflasa uğrayıb. Bundan sonra da belə olacaq. Biz hesab edirik ki, regionla bağlı bütün məsələləri burada yaşayan xalqlar, bu bölgənin dövlətləri həll etməlidir. Ölkəmizin bu yanaşması tamamilə təbii və məntiqlidir.
Təəssüf ki, bunu Ermənistana şamil etmək olmaz. Heç vaxt müstəqil dövlət kimi özünü təsdiq edə bilməyən Ermənistan bu gün də hansısa siyasi mərkəzlərə sığınaraq, Cənubi Qafqazda sülhə və sabitliyə maneə yaradan faktor rolunu davam etdirmək istəyir. Yaxşı olar ki, Ermənistan Azərbaycanın şərtləri ilə hazırlanan sülh müqaviləsini tezliklə imzalayaraq ölkəsini siyasi və iqtisadi böhrandan xilas etsin".

Telegramda izləyin