Süni intellektdən istifadə edərək alimlər binaları soyuq saxlayan boya yaradıblar

Çin, ABŞ, İsveç və Sinqapurdan olan elm adamları növbəti yeniliyə imza atıblar.

Sonxeber.az xəbər verir ki, onlar süni intellektdən istifadə edərək binaları sərin saxlaya bilən boya formulunu yaradıblar.

"The Guardian" nəşrində dərc edilən bu məlumatda qeyd edilir ki, yeni örtüklər Günəş işığına məruz qaldıqdan sonra binaları adi boyadan 5-20 dərəcə sərin saxlaya bilir. Bu boyalar binalarla yanaşı həm də avtomobillərə, qatarlara, elektrik avadanlıqlarına və soyutma tələb edən digər obyektlərə tətbiq oluna bilər.

Boya Günəş şüalarını daha yaxşı əks etdirir və istiliyi yayır.

Həmçinin, alimlər hesablamalarına görə dördmərtəbəli yaşayış binasının damına belə boya vurulması Rio-de-Janeyro və ya Banqkok kimi isti iqlimlərdə ildə 15.8 min kilovat-saata bərabər elektrik enerjisinə qənaət edə bilər.

Süni intellektin köməyi ilə əldə edilən boya min yaşayış binasına çəkilsə, bu, bir il ərzində 10 mindən çox kondisionerin işləməsi üçün nəzərdə tutulan elektrik enerjisinə qənaət edə bilər.

Telegramda izləyin