ABŞ-də ildırım telefonun şarj cihazından keçərək qadını vurdu: Yaddaşı zəiflədi

İldırım amerikalı qadını öz evində telefonun şarj cihazı vasitəsilə vurub.

Oxu.Az bu barədə "New York Post" nəşrinə istinadla xəbər verir.

Lisa Henderson evinə elektrik rozetkası ilə daxil olan ildırımın vurmasından sonra müvəqqəti olaraq yaddaşını itirib. Hadisə tufan zamanı onun çarpayıda uzanaraq, enerji yığan telefonu ilə sosial şəbəkələrə baxarkən baş verib.

Hendersonun dediyinə görə, o, parlaq işıq, güclü parıltı görüb, sonra isə qulaqlarında cingilti eşidib:

"Mən instinktiv olaraq telefonu kənara atdım. Əgər bunu etməsəydim, məni daha güclü elektrik cərəyanı vura bilərdi".

Hadisədən sonra o, xəstəxanaya yerləşdirilib, burada ən sadə detalları, o cümlədən öz adını və yaşını xatırlamaqda çətinlik çəkib.

Telegramda izləyin