Azərbaycana Qərbi Avropadan turist axını iyunda 19 % artıb

Bu ilin iyun ayında Azərbaycana Qərbi Avropa ölkələrindən 10 073 turist ziyarət edib, bu isə ötən ilin eyni ayı ilə müqayisədə 19 % çoxdur.

"Report" Dövlət Turizm Agentliyinin hesabatına istinadən xəbər verir ki, ötən ay Böyük Britaniyadan 2 459 nəfər (+20 %), Almaniyadan 2 364 nəfər (+39 %), İtaliyadan 1 132 nəfər (+13 %), İspaniyadan 606 nəfər (-49 %), Fransadan 570 nəfər (+1 %), Niderlandan 529 nəfər (+25 %), İsveçdən 413 nəfər (+4 %), Avstriyadan 313 nəfər (+39 %), Yunanıstandan 300 nəfər (+2,5 dəfə ), Portuqaliyadan 292 nəfər (+2,3 dəfə ), Belçikadan 277 nəfər (+15 %), İsveçrədən 214 nəfər (+0,5 %), Norveçdən 171 nəfər (-10%), İrlandiyadan 143 nəfər (-27%), Danimarkadan isə 107 nəfər (-4 %) turist gəlib.

Ümumilikdə iyun Azərbaycan 237 509 turist qəbul edib ki, bu da ötən ilin eyni dövrünə nisbətən 11 % azdır. Ən çox turist Rusiyadan (73 415 nəfər, - 11%), Türkiyədən (40 326 nəfər, +5 %) və İrandan (15 297 nəfər, - 11 %) gəlib.

Telegramda izləyin