İki uşaq göldə boğularaq həyatını itirdi

Afyonkarahisarın İhsaniye rayonunun Yaylabağı qəsəbəsində iki 11 yaşlı uşaq sərinləmək üçün girdikləri göldə boğularaq həyatlarını itiriblər.

Sonxeber.az türk mediasına istinadən xəbər verir ki, A.A.K. və M.E.Ö. adlı uşaqların girdiyi gölün bir hissəsi batıqlıq olduğundan, onlar qısa müddət sonra suda bataraq gözdən itib. Ərazidə olan sakinlər dərhal 112 Fövqəladə Çağrı Mərkəzinə məlumat verərək kömək istəyib.

Məlumat üzərinə hadisə yerinə AFAD, təcili tibbi yardım, polis və yanğınsöndürmə qrupları cəlb olunub. AFAD əməkdaşlarının təxminən 15 dəqiqəlik axtarışından sonra uşaqların cansız bədənləri sudan çıxarılıb. Meyitlər Afyonkarahisar Dövlət Xəstəxanasının Tibbi Ekspertiza şöbəsinə aparılaraq müayinədən keçirilib və daha sonra ailələrinə təhvil verilib.

Yaylabağı qəsəbə məzarlığında keçirilən dəfn mərasimində uşaqlar göz yaşları içində torpağa tapşırılıb.

Hadisə ilə bağlı prokurorluq tərəfindən istintaqın davam etdirildiyi açıqlanıb.

Telegramda izləyin