İnternetdən kirayələdikləri evin ünvanına getdilər, boş torpaq sahəsi ilə qarşılaşdılar

Türkiyənin Bozcaada bölgəsində tətil planlayan bir qrup vətəndaş internet vasitəsilə kirayələdikləri evin yerinə boş torpaq sahəsi ilə qarşılaşaraq böyük bir şok yaşayıb.

Sonxeber.az türk mediasına istinadən xəbər verir ki, vətəndalar internetdə görüb bəyəndikləri evi günlük kirayə götürmək üçün ödəniş edib və adaya gəldiklərində onlara göndərilən ünvana yollanıblar. Lakin ünvan göstərilən yerdə hər hansı bir tikili olmadığını görəndə, aldadıldıqlarını anlayıblar. Evi kirayələdikləri şəxslərə telefonla zəng etsələr də cavab ala bilməyiblər.

Aldadılan vətəndaşlar yaşadıqları hadisəni sosial şəbəkələrdə paylaşaraq digər vətəndaşları oxşar fırıldaqlara qarşı diqqətli olmağa çağırıblar. Hadisə ilə bağlı rəsmi şikayət olub-olmadığı barədə hələlik məlumat verilməyib. Mütəxəssislər isə internet üzərindən kirayə götürülən evlərdə yalnız rəsmi və etibarlı platformalara üstünlük verilməsini tövsiyə ediblər.

Telegramda izləyin