Azərbaycanda məktəbli formalarına BÖYÜK ENDİRİM

"Bakı Tikiş Evi bu il iyul ayının 1-dən etibarən məktəbli formalarının qiymətinə böyük endirimlər edib".

Bu barədə BAKU.WS-in sorğusuna cavab olaraq Bakı Tikiş Evinin (BTE) şöbə müdiri Etibar Əzimov məlumat verib.

O, bildirib ki, hazırda bütün qısaqol köynəklər 12 manatdan 8 manata düşüb. Bu da 33% endirim deməkdir. Uzunqol köynəklər isə 12 manatdan 10 manata endirilib. Bu da təqribən 18%-lik endirim vəd edir. Bundan əlavə bütün jaketlər 30 manatdan 20 manata, şalvar və ətəklər 20 manatdan 15 manata qədər ucuzlaşıb.
"Bakı Tikiş Evi yeni tədris ilinə tam hazırdır. Bizim satış mərkəzlərimiz hazırda fəaliyyət göstərir. Məktəblərin açılmasına təqribən 1 ay vaxt var. Buna görə həm valideynlər, həm də məktəblilər tətildədirlər. Ona görə də bu dəqiqə böyük ajiotaj və kütləvi şəkildə gələn yoxdur. Kimlər ki növbədə dayanmaq istəmir, onlar gəlib lazımi formaları alıb, məmnun halda gedirlər. Valideynlər qiymətlərdən razıdır. Mallarımız keyfiyətlidir və endirimlər həqiqidir. Bizim mallarımızın sertifikatə var. Bu gün biz yeni tədris ilinə tam hazırıq. Biz Azərbaycanda yeganə istehsalçı deyilik. Respublikada bizdən başqa bir neçə müəsisə də məktəbli formaları istehsal edir".

Telegramda izləyin