Nikah məmuruna zarafat etmək istəyən cütlük həyatınıın şokunu yaşadı - VİDEO

İzmirin Torbalı rayonunda keçirilən nikah mərasimində yaşanan maraqlı hadisə həm cütlüyü, həm də qonaqları əvvəlcə təşvişə salsa da, sonradan gülüşlərlə yadda qalıb.

Sonxeber.az türk mediasına istinadən xəbər verir ki, mərasim zamanı nikah məmuru qaydalara uyğun olaraq şahidlərə "Şahidsinizmi?" sualını ünvanlayıb. Bu zaman şahidlərdən biri zarafat etmək məqsədilə "Mən bunları tanımıram, yoldan keçəndə məni saxladılar" cavabını verib.

Şahidin bu sözlərindən sonra nikah məmuru nikah dəftərini bağlayaraq zalı tərk edirmiş kimi davranıb. Zarafatın ciddi qəbul edildiyini düşünən gənc cütlük və şahidlər böyük təşviş və peşmanlıq hissi keçiriblər. Zalda bir anda sükut yaranarkən, qonaqların da narahat olduğu müşahidə olunub.

Bir müddət sonra zala geri qayıdan nikah məmuru bunun qarşı zarafat olduğunu açıqlayıb. Gərgin anların ardından həqiqətin üzə çıxması ilə zalda gülüş səsləri yüksəlib.

Nikah məmurunun verdiyi bu cavab mərasimə rəng qatıb və daha sonra gənc cütlüyün nikahı rəsmiləşdirilib.

Telegramda izləyin