Soyuducunu harada yerləşdirmək daha yaxşıdır?

Mətbəxdə bir neçə santimetr yerə qənaət etmək üçün soyuducunu divara sıx yerləşdirmək düzgün deyil. Çünki cihazın ətrafında saxlanılan boşluq havanın dövranı və işləmə zamanı yaranan istiliyin xaric edilməsi baxımından mühüm rol oynayır.

Lent.az xəbər verir ki, mütəxəssislər soyuducu həddindən artıq dar yerdə quraşdırılarsa, müəyyən edilmiş temperaturu saxlamaq üçün daha uzun müddət işləməli olacağı barədə xəbərdarlıq ediblər. Bu isə cihazın səmərəliliyinə mənfi təsir göstərə bilər.

Soyuducunu niyə divara sıx qoymaq olmaz?

Soyuducu yalnız soyuq hava yaratmır. Soyutma prosesi zamanı cihaz daxilində toplanan istiliyi də xaric etməlidir. Bunun üçün isə normal hava dövranı lazımdır.

Soyuducunun arxa hissəsi ilə divar arasında boşluğun olması həmin istiliyin xaric edilməsinə imkan verir. Məsafə kifayət qədər olmadıqda hava dövranı məhdudlaşa, soyutma sistemi isə həddindən artıq yüklənə bilər.

Mütəxəssislərin izahına görə, cihazın ətrafında kifayət qədər boşluğun olmaması soyuducunun daxili temperaturu qorumaq üçün daha uzun müddət işləməsinə səbəb olar.

Mətbəxdə yer imkan verirsə, havanın daha yaxşı dövr etməsi və soyuducunun arxa hissəsinə rahat çıxış üçün daha çox məsafə saxlamaq məsləhətdir.

Yan tərəflər də vacibdir

Soyuducu ilə divar arasındakı məsafə yalnız arxa hissədə deyil, yan tərəflərdə də əhəmiyyətlidir.

Əgər cihaz yan divara yaxın yerləşdirilibsə, qapıların kifayət qədər geniş açılıb-açılmadığını yoxlamaq lazımdır.

Məsafənin az olması qapının tam açılmasına mane ola və nəticədə rəfləri və siyirmələri çıxarmağı çətinləşdirə bilər.

Mütəxəssislər müəyyən modellər üçün divara bitişik tərəfdə, qapının rahat açılması məqsədilə ən azı 2,5 düym, yəni təxminən 6,4 santimetr boşluq saxlamağı, qapının düzgün açılması üçün divar tərəfdə əlavə boşluğun saxlanmasının vacibliyini bildirirlər.

Telegramda izləyin