Autizmli yeniyetmə 6 gün meşədə sağ qaldı - YALNIZ ÇİPS YEYİB

Avstraliyada 17 yaşlı Uilyam Barkli altı gün meşədə təkbaşına sağ qalmağı bacarıb.

Sonxeber.az xəbər verir ki, yeniyetmə oktyabrın 6-da düşərgənin başqa hissəsinə getdikdən sonra itkin düşüb. O, üzərində yalnız şort və ayaqqabı olduğu halda meşədə qalıb, mobil telefonunu isə çadırda qoyub.

Araşdırma zamanı məlum olub ki, Barkli dik yamacdan çay yatağına düşərək yolu azıb. O, xilasedicilərin gəlməsini gözləmək qərarına gəlib. Yeniyetmə özü ilə götürdüyü çipsləri yeyib, dərədən su içib və Con Denverin "Take Me Home, Country Roads" mahnısını oxuyaraq vaxt keçirib.

Barkli gecələr xüsusilə qorxduğunu və heç vaxt tapılmayacağından narahat olduğunu bildirib. Oktyabrın 12-də onun yeri müəyyən edilib. Yeniyetmə xilas edilərkən günəş yanığı almış və ciddi şəkildə yorulmuş vəziyyətdə olub.

Telegramda izləyin