Somalidə hücum nəticəsində 2 nəfər ölüb

Somalinin cənubundakı Gedo bölgəsində hökumət rəsmilərinin qaldığı qonaq evinə intiharçı hücumu nəticəsində iki nəfər həlak olub.
Sonxeber.az xəbər verir ki, bölgədəki təhlükəsizlik rəsmilərindən Məhəmməd Əli Aden verdiyi açıqlamada partlayıcı yüklü avtomobilin Bardhere qəsəbəsindəki qonaq evini hədəf aldığını və 2 təhlükəsizlik əməkdaşının həyatını itirdiyini bildirib.

Milli mətbuatda yayılan xəbərlərə görə Gedo qubernatoru Əhməd Bule Qarad və 43-cü diviziya komandiri Əhməd Abdullahi Hirsi yaralı olaraq hücumdan sağ çıxıblar.

Partlayış nəticəsində ətrafdakı tikililərə də ziyan dəyib.

"Əş-Şəbab" terror təşkilatının üzərinə götürdüyü hücumla bağlı hələlik rəsmi açıqlama verilməyib.

Somali ordusunun Əl-Şəbaba qarşı həyata keçirdiyi əməliyyatlardan sonra təşkilat müxtəlif şəhərlərdə bombardmanlarını artırıb.

Telegramda izləyin

instagramda izləyin