Xəbəri olmadan bağban vəzifəsində işləyir - Tragikomik hadisə

İşləmir, lakin 150 manat maaş aldığı göstərilir.

Belə bir vəziyyətlə paytaxtda yaşayan Qəbələ rayon sakini Fərhad Bayramov üzləşib.

Onun sözlərinə görə, heç bir yerdə işləmir. Amma rəsmi olaraq işlədiyi müvafiq sistemdə qeyd olunub. Hətta 150 manat məbləğində məvacib aldığı göstərilir.

Fərhad Bayramov bildirib ki, rəsmi iş yerində adı olduğundan onu digər yerlərə işə qəbul etmirlər. O, bununla bağlı lazımi yerlərə müraciət etdiyini də deyir.

Hüquqşünaslar isə bildiriblər ki, belə halla üzləşən vətəndaşlar mütləqdir ki, əvvəlcə hüquq-mühafizə orqanlarına müraciət etsinlər. Qanuna uyğun olaraq həmin şirkət müəyyən edildikdən sonra məhkəmə yolu ilə işə baxılmalı və qərar verildikdən sonra barəsində müvafiq tədbir görülməlidir.//Xəzər TV

Telegramda izləyin