"Məktəbin sanitar qovşağını böyüdüb sinif otağı yaradıblar" - Video-Rəsmi açıqlama
"200 saylı Məktəb-Lisey Kompleksinin nəzdində fəaliyyət göstərən 43 saylı korpus yararsız vəziyyətdədir, tavan uşaqların başına düşə bilər".
Bu şikayətlə "Qafqazinfo"ya bir qrup valideyn müraciət edib.
Onlar bildirib ki, məktəbin döşəməsi və tavanında çökmələr mövcuddur, bu da şagirdlər üçün təhlükə yaradır: "Nərimanov rayonunda 3 korpus var, ancaq bu korpus heç vaxt təmir olunmur. Sinif otaqları bərbad vəziyyətdədir. Məktəbdə sanitar qovşağı da yoxdur, çünki onun yerini də söküb böyüdərək sinif otağı yaradıblar".
Valideynlər, əlavə edib ki, 7-ci sinifləri sözügedən korpusa köçürmək istəyirlər: "Bu məktəb böyükdür, ona görə də çox uşaq qəbul edirlər. Tez-tez korpuslar arasında şagirdlərin köçürülməsi baş tutur. Sözügedən korpusda adətən yuxarı siniflər olur. Övladım 6-cı sinfə qədər ön korpusda təhsil alıb. İndi isə bu yararsız yerə köçürürlər. Nə baş verir, heç özümüz də anlamırıq. 7-ci sinifdə təhsil alanların valideynləri bu qərarla razılaşmır".
Valideynlərin iddiasına görə, məktəb təmir üçün onlardan pul tələb edib: "Pulu yığıb vermədik. Çünki bu bizim işimiz deyil. Hətta ötən il valideynlər pul yığdı, yalnız bir sinif normal hala salındı. Ondan sonra həmin uşaqlar yenidən başqa korpusa köçürüldü. Məktəbin tez zamanda təmir olunmasını tələb edirik. Çünki belə halda şagirdlərin təhsil alması təhlükəlidir. Aidiyyəti qurumlara da bununla bağlı müraciətlər ünvanlamışıq".
Məsələ ilə bağlı Məktəb-Lisey Kompleksi ilə əlaqə saxladıq. Sorğumuza cavab olaraq bildirildi ki, məktəb rəhbərliyi tərəfindən həmin valideynlərə bu korpusun təmiri üçün aidiyyəti üzrə müraciət olunduğu bildirilib: "Təhsil müəssisəsində yeni tədris ili öncəsi valideynlərlə ənənəvi görüş keçirilib. Əvvəlki illərdəki ənənəyə uyğun olaraq tədris korpusu dəyişən VI və VII sinif şagirdlərinin valideynləri övladlarının təhsil alacağı korpusla tanış olublar. Valideynlər həmin tədris korpusunun durumu ilə bağlı rəylərini bildiriblər. Məktəb rəhbərliyi tərəfindən həmin valideynlərə bildirilib ki, bu korpusun təmiri üçün aidiyyəti üzrə müraciət olunub.
Bununla bağlı valideynlərdən vəsait tələb olunmasına dair iddialar tamamilə əsassızdır. Pedaqoji kollektivin əsas məqsədi yeni dərs ilində məktəbimizdə daha səmərəli təhsil mühitinin formalaşmasına və qarşılıqlı etimada əsaslanan münasibətlərin yaradılmasına nail olmaqdan ibarətdir".
Məktəbin təmirinin nəzərdə tutulması ilə bağlı Bakı Şəhər Təhsil İdarəsi ilə də əlaqə saxladıq. Qurumdan saytımıza bildirildi ki, Bakı şəhəri Məktəb-Lisey Kompleksinin fəaliyyəti Bakı Şəhəri üzrə Təhsil İdarəsi tərəfindən nəzarətdə saxlanılır: "Yeni dərs ilinə hazırlıq çərçivəsində təhsil müəssisələrinin infrastruktur və digər istiqamətlər üzrə ehtiyacları müəyyənləşdirilib və müvafiq tədbirlərin görülməsi məsələsinə baxılır".


Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda bu ərazilərdə SÖKÜNTÜ OLACAQ - Metrostansiya, tramvay xətləri...
Ürək dayanmasının erkən əlamətləri - bir gün əvvəl nə hiss edirsiniz?
Dodaqların tez-tez quruması hansı xəstəliyin siqnalıdır?
Yağış nə vaxtadək davam edəcək?
100 il yaşamağın sirri: Rasionda cəmi bir dəyişiklik kifayətdir
Bakıda yağış yağacaq, külək güclənəcək - PROQNOZ
Şəmkirdə qanlı gecənin TƏFƏRRÜATI: 16 yaşlı gənc qətli bacısına görə törədibmiş
Bu pullar sabahdan kartınızdan SİLİNƏCƏK
Küləkli hava şəraiti ilə bağlı sarı və narıncı XƏBƏRDARLIQ EDİLDİ
Tokioda sakura ağacları sakinlərə təhlükə yaratmağa başlayıb
Rusiyalı alimlər Antarktidada vahə kəşf ediblər
Qəhvəsinə bir qaşıq əlavə edib içənlər təsirinə inana bilmir
Yatmağı və heç nə etməməyi sevən insanlar: sərvət və uğur maqnitidirlər
Sevdiyi qızın qardaşı tərəfindən qətlə yetirilən Ramal - FOTO
Toyda bəy gəlini döydü, anası qızı götürüb getdi - VİDEO