"Yalnız bundan sonra əgər bölgü varisləri qane etməzsə, məhkəməyə müraciət etmək imkanı yaranır" - AÇIQLAMA

"Vəsiyyətnamənin olması mütləq vacib deyil. Sadəcə olaraq, gələcəkdə varislər arasında əmlakla bağlı problemlərin yaranmaması üçün vəsiyyətnamənin mövcudluğu arzuolunandır".

Bunu Sonxeber.az-a hüquqşünas Ramil Süleymanov danışıb.

O, açıqlamasında qeyd edib ki, vəsiyyətnamə olmadığı halda isə, varislər arasında qanuni vərəsəlik münasibətləri əsasında əməliyyatların aparılması zəruridir:

"Əgər tərəflərdən hər hansı biri notarius tərəfindən payların müəyyən olunması zamanı faizlərin və ya hissələrin düzgün bölünmədiyini iddia edərsə, bu halda məhkəməyə müraciət etmək mümkündür. Məhkəmə müraciət əsasında notariusun bölgüsünü ləğv edə və yeni qərara uyğun olaraq vərəsəlik şəhadətnaməsi verilməsini təmin edə bilər. Ümumiyyətlə, tərəflər arasında vəsiyyətlə bağlı mübahisələrin yaranmaması üçün qanunvericilikdə nəzərdə tutulmuş prosessual müddətlərə əməl etmək vacibdir. Bunun üçün vaxtında notariusa müraciət edilməlidir. Yalnız bundan sonra əgər bölgü varisləri qane etməzsə, məhkəməyə müraciət etmək imkanı yaranır".

Telegramda izləyin