Bakıda bu küçədə sürücülər TƏNGƏ GƏLİB - Avtomobillərini şarj edə bilmirlər

"Qeyd edilən ərazidə sürücüləri narahat edən məsələ aradan qaldırılıb".

Bu barədə BAKU.WS-in sorğusuna cavab olaraq Bakı Şəhər DYP İdarəsindən bildirilib:

"Nərimanov RPİ-nin DYP Şöbəsinin əməkdaşları tərəfindən dayanma və durma qaydalarını pozan sürücülər barəsində qanunamüvafiq tədbirlər görülüb".

***10:14

Nərimanov rayonu, Əliəşrəf Əlizadə küçəsində (Baku City MTK-nın qarşısı) quraşdırılmış elektrik avtomobilləri üçün şarj stansiyasından istifadə etmək mümkün olmur.

Bu barədə BAKU.WS-in "qaynar xətti"nə müraciət daxil olub.

Səbəb sürücülərin qaydaları pozaraq dayanma və durma qadağası olan ərazidə avtomobillərini saxlamasıdır.

Görüntüdən məlum olur ki, şarj stansiyası önündə qeyri-elektrik avtomobillərin dayanması vətəndaşların öz maşınlarını enerji ilə təmin etməsinə mane olur. İstifadəçilərin sözlərinə görə, bu hal hər gün təkrarlanır və problem artıq ciddi narazılıq yaradıb.

Qeyd edək ki, yol nişanları və xüsusi işarələrlə ayrılmış bu ərazi yalnız elektrik avtomobillərinin şarj olunması üçün nəzərdə tutulub. Sürücülər məsələ ilə bağlı aidiyyəti qurumlardan nəzarətin gücləndirilməsini və qaydaları pozan şəxslərə qarşı tədbirlərin görülməsini istəyirlər.

Telegramda izləyin