Yuxuda danışmaq bu xəstəliklərin ilk əlaməti ola bilər

"Yuxuda danışmaq alzheimer xəstəliyinə işarə ola bilər".

Ölkə.az "lenta.ru"ya istinadla xəbər verir ki, bu barədə nevroloq, həkim Olqa Zinçeva danışıb.

Onun sözlərinə görə, əgər insan yuxuda tez-tez danışırsa, bu, bəzi xəstəliklərə işarə edə bilər:

"Bu simptom "somnilokviya" adlanır. Bu anlayış təkcə yuxuda danışmağı deyil, həm də ayrı-ayrı sözlərin, hecaların və ya səslərin tələffüzünü, mızıldanmanı və qeyri-ixtiyari hərəkətlərin edilməsini əhatə edir. Somnilokviya təxminən uşaqların 50 faizində, böyüklərin isə 5 faizində müşahidə olunur.

Bu simptom nadir hallarda özünü göstərirsə, adətən heç bir təhlükə daşımır. Lakin insan yuxuda mütəmadi olaraq danışırsa, bu, bəzi ciddi xəstəliklərin əlaməti ola bilər: obstruktiv yuxu apnoesi, psixi xəstəliklər, nevrozlar, depressiyalar, epilepsiya, alzheimer və ya parkinson xəstəliyi".

Telegramda izləyin